យុវជនអាយុ 24 ឆ្នាំ លោក ថាន់ វ៉ាន់ធិន ដែលបានវិវត្តន៍ ខ្លួនពីកម្មករ រោងចក្រក្នុងតំបន់ ឧស្សាហ៍កម្ម មួយក្នុងខេត្តណាមដេញ មកជាកសិករ បណ្តុះផ្សិត ដោយសារការងារជាកម្មករ ទទួលបានប្រាក់បៀវត្សន៍តិចតួច និង លោកគិតថាការងារជាកម្មករ វាមិនថិតថេរ នៅពេលដែលលោកមានវ័យ កាន់តែចាស់ទៅ។
បន្ទាប់ពីសម្រេចចិត្ត ត្រឡប់ទៅ ស្រុកកំណើតវិញ លោកតែងគិតថា នឹងចាប់ផ្តើមអាជីវកម្មមួយ ដែលអាចជួយ អោយលោកមាន ជីវភាពធូរធារបាន លោកក៏បានសាកល្បងចូលរៀន បណ្តុះផ្សិត រួចចាប់ផ្តើម បង្កើតកសិដ្ឋាន បណ្តុះផ្សិតផ្ទាល់ខ្លួននៅផ្ទះនៅចុងឆ្នាំ 2017 រហូតមកដល់បច្ចុប្បន្ន។
លោកបាននិយាយថា ក្នុងកំឡុងពេល 4ខែ លោកបណ្តុះបានផ្សិតប្រមាណជា 8 តោន សម្រាប់ លក់លើទីផ្សារ ទទួលបានចំណេញ 100លានដុង ( 4.329,36 ដុល្លារ) ហើយវាជាចំណូល ដែល មនុស្សជាច្រើនចង់បាន ។
និយាយដល់ការ ជ្រើសរើសផ្សិត លោកបានណែនាំ ជ្រើសយកការបណ្តុះផ្សិតអំបោះ មុនគេព្រោះ វាងាយស្រួល ចំណាយទុនតិច ហើយសម្ភារៈសម្រាប់បណ្តុះក៏ស្រួលរកបាន ដូចជា ចំបើង និង កំទេចឈើរ ជាដើម ។
ក្រោយពី ទទួលបានបទពិសោធន៏ និងអត្ថប្រយោជន៍ពីអាជិវកម្មនេះ លោកនិងក្រុមគ្រួសារ បាន សម្រេចវិនិយោគបន្ថែមលើ ថ្នាលបណ្តុះ ផ្សិតចំរុះប្រមាណជា 1000ម៉ែត្រការ៉េ ដែលជារៀងរាល់ខែ ប្រមូលផលបានប្រមាណជា 3 – 4 តោន ហើយចំណេញ ប្រមាណជា 30លានដុង (1298,81 ដុល្លារ) ។
ការងារជាប្រចាំ ក្នុងការបណ្តុះផ្សិតរបស់លោក លោកបានជួយផ្តល់ការងារដល់អ្នកក្នុងស្រុក និង ស្វែងរកវិធីសាស្ត្រផ្សេងៗ ដែលជួយ អោយការបណ្តុះផ្សិត របស់លោកកាន់តែ មានប្រសិទ្ធភាព ដូចជា ការបន្ថែមជីជាតិដី និងការគ្រប់គ្រងសីតុណ្ហភាពថ្នាល អោយសមស្រប និងសីតុណ្ហភាព ក្នុងតំបន់ ។ លោកបន្ថែមទៀតថា ការបណ្តុះផ្សិតមិនស្រួលទេ តែបើយើងខំប្រឹងធ្វើវា នោះផល ត្រឡប់មកវិញ ក៏ល្អដូចគ្នា ហើយវាជាភាពរីករាយរបស់យើងផងដែរ ។
