ទៀបបារាំង គឺជាផ្លែឈើហូបផ្លែ មានរស់ជាតិជូរអែម ដែលប្រជាជនខ្មែរទូទៅនិយមបរិភោគស្រស់ រឺក្រឡុកជាមួយផ្លែឈើដទៃទៀត បរិភោគ ជាទឹកក្រឡុក វាក្រៅពីមានរស់ជាតិឆ្ងាញ់ ក៏សម្បូរវីតាមីន គឺនៅអាចជួយកែខៃ និងការពារយើងពីជំងឺកាច សាហាវជាច្រើនថែមទៀត ។ ប៉ុន្តែដើបទៀបបារាំង មិនសូវនិយមដាំប៉ុន្មានទេប់ប្រៀបធៀបនិងដំណាំហូបផ្លែផ្សេងទៀត ។ ការដាំដុះដើមទៀបបារាំងភាគច្រើន ជាលក្ខណះតាមផ្ទះ រឺជាដំណាំហូបផ្លៃបន្ទាប់បន្សំ ដូច្នេះអត្ថបទនេះ យើងលើយកការដាំដុះទៀបបារាំង មកបង្ហាញដើម្បី ជាជំនួយស្មារតីក៏ដូចជា លើកទឹក ចិត្តអោយប្រិយមិត្ត ដាំដុះអោយបានច្រើន និងចូលរួមលើកស្ទួយ ការដាំដុះអោយត្រឹមត្រូវ និងហូបដំណាំក្នុងស្រុក ជៀសជាងការនាំចូលពីបរទេស។
ការជ្រើសរើស ពូជទៀបបារាំង ត្រូវជ្រើសរើស
ទៀបបារាំងយើងអាច បណ្តុះរឺអាចទិញកូន ដែលគេបណ្តុះស្រាប់ក៏បាន តែយើងគួរជ្រើសរើសពូជ ដែលមានផ្លែច្រើន ពូជដែលមានផ្លែធំ មាន គ្រាប់តិច ទំហំផ្លែថ្លោះល្អ ពូជធន់ទ្រាំ ជម្ងឺ និងសត្វល្អិត និងដើមមេដែលលូតលាស់ល្អ
ករណីដែលប្រិយមិត្តចង់ បណ្តុះកូនទៀបបារាំងដោយខ្លួនឯង គឺត្រូវ អនុវត្តន៍ជំហាន ក្នុងការរៀបចំបណ្តុះ ដូចខាងក្រោម ដើម្បីទទួលបានកូន ទៀបបារាំងដែលមាន សុខភាពល្អ យកទៅដាំដុះ
- ប្រើថង់ប្លាស្ទិចអង្កត់ផ្ចិត ២០ស.ម សម្រាប់ច្រកបណ្តុះ
- ល្បាយដី ប្រើដីកណ្តេង ១ភាគ ជីកំបុស្ត១ភាគ ច្របល់ចូលគ្នាឲ្យសព្វ
- ច្រកល្បាយចូលថង់បង្ហាប់ ឲ្យបានកម្ពស់២០ស.ម
- ក្រោយពេលយកគ្រាប់មកពីផ្លែ ត្រូវលាងទឹកឲ្យរួចហាលថ្ងៃ
- យកគ្រាប់ទាបបារាំង ទៅស៊កនៅក្នុងដីខ្សាច់ ដើម្បីឲ្យសំបកមានសំណើម
- ប្រើ axit sunfuric ឬត្រាំទឹកក្តៅអ៊ុន កម្រិត៥៥-៦០ºC ទុករយៈពេល១៥-២០នាទី
- បណ្តុះគ្រាប់ពី១ទៅ១ ចន្លោះ៣-៥ស.ម ជម្រៅ១ស.ម
- ស្រោចទឹកជាប្រចាំឲ្យមានសំណើម
- នៅរដូវក្តៅ ទាបបារាំងមិនសូវលូតលាស់ ដោយសារអាកាសធាតុក្តៅ ធ្វើឲ្យជ្រុះស្លឹក ប៉ុន្តែមិនងាប់ទេ
- វាចាញ់ទឹក ដូច្នេះត្រូវដាក់នៅទីទួល ឬលើកដីឲ្យខ្ពស់ផុតទឹក
- គ្រាប់អាចចេញពន្លក ក្រោយ១៥-៣០ថ្ងៃ បន្ទាប់ពីបណ្តុះ
ពេលបណ្តុះបាន កូនទៀបបារាំងរួចហើយ រឺពេលទិញកូនទៀបបារាំង ពីអ្នកបណ្តុះហើយ ការដាំដុះត្រូវ អនុវត្តន៍ដូចខាងក្រោម៖
- ភ្ជួរដីឲ្យជ្រៅ រាស់ឲ្យបានស្អាតល្អ
- កាប់រណ្តៅទំហំ ០,៥ម X ០,៥ម X ០,៥ម គម្លាតរណ្តៅនីមួយៗ ៤-៧ម៉ែត្រ
- លាយដីជាមួយ ជីលាមកសត្វ ជីកំប៉ុស្ត និងកម្ទេចកម្ទីរុក្ខជាតិ សម្រាប់ទ្រាប់បាតរណ្តៅ
- គួរដាំនៅរដូវវស្សា ដើម្បីកាត់បន្ថយការស្រោចទឹក
- មុនដាំ១ខែ ត្រូវបង្អត់ទឹកកូនពូជ ដាក់កូនពូជឲ្យហាលថ្ងៃ ដោយស្រោចទឹក ៥ថ្ងៃម្តង
- មុនដាំពិតប្រាកដ ត្រូវបង្អត់ទឹក រហូតដល់ដីក្នុងថង់ស្ងួត
- រណ្តៅដែលបានត្រៀមរួច ត្រូវលប់ដីវិញ ដោយយកជីមកលាយជាមួយដីរណ្តៅ ហើយកាយក្រលុកកណ្តាល
- មុនដាំ២ម៉ោង ត្រូវស្រោចទឹករណ្តៅឲ្យជោគ
- ដាំ១ដើម ក្នុង១រណ្តៅ
- រើសកូនដំណាំដែលមានដើមធំល្អ
- យកកូនកាំបិតមុត វះថង់កូនពូជចេញ ថ្នមៗកុំឲ្យបែកដី
- ដាក់ដាំកូនពូជ ឲ្យស្មើត្រឹមមាត់រណ្តៅ រួចលប់ដីត្រឹមគល់
- ជីករន្ធ បោះបង្គោក ដើម្បីការពារកូនពូជ ពីខ្យល់បោកបកើដើម
- យកចំបើងគ្របគល់ រួចស្រោចទឹក
ការថែទាំក្រោយដាំ
- ដាក់ជីលាមកសត្វ ជីកំប៉ុស្ត ជីសរីរាង្គ ក្នុងរណ្តៅមុនពេលដាំ ជម្រុញការលូតលាស់
- ដាក់ជីលាមកសត្វ ជីកំប៉ុស្ត ជីសរីរាង្គ កើនឡើងជាប្រចាំឆ្នាំ ដើម្បីបង្កើនជីជាតិដី
- ដាក់ជី ១៥-១៥-១៥ ចំនួន ០,៥គ.ក្រ/ដើម ដាក់៣ដងក្នុង១ឆ្នាំ ជម្រុញការលូតលាស់
- ដាក់ជី៨-២៤-២៤ ចំនួន ២-៤គ.ក្រ/ដើម សម្រាប់រយៈពេល១ឆ្នាំ ជំនួយពេលចេញផ្កា
- ដាក់ជី១៣-១៣-២១ ចំនួន ២-៤គ.ក្រ/ដើម សម្រាប់រយៈពេល១ឆ្នាំ ជំនួយពេលចេញផ្កា
- បន្ថែមកម្ទេចកម្ទីពុកផុយ កាយច្របល់ កប់ក្នុងដី និងរក្សាជន្លេនទ្រកឲ្យសម្បូរ ដើម្បីធ្វើឲ្យដីធូរ
- ប្រើជីប៉ូតាស្យូម(Kali) ចំនួន ៣០-៥០ក្រាម/ដើម នៅពេលដើមអាយុ ៣ឆ្នាំឡើងទៅ ដើម្បីឲ្យផ្លែមានរសជាតិឆ្ងាញ់
- សម្អាតស្មៅ ពូនគល់ជាប្រចាំ
- កាត់បន្ថយជម្រកសត្វចង្រៃ
- កាត់បន្ថយការរំខានដក់ដំណាំ
- កាត់មែកចាស់ៗ មែកតូចៗ ខ្នែងចេញ
- ពេលដាំដំបូង ត្រូវស្រោចទឹក ដើម្បីរក្សាសំណើម
- នៅរដូវក្តៅហើយស្ងួត ស្រោចទឹក ១ដង ទៅ២ដង ក្នុង១សប្តាហ៍
- តាក់តែងមែកចាស់ៗ ដើម្បីឲ្យដើមស្រលះល្អ មានពន្លឺចេញចូលគ្រប់គ្រាន់ ដើម្បីកាត់បន្ថយសត្វចង្រៃ
សត្វល្អិត និងជម្ងឺ
- ចៃម្សៅ៖ វាប៊ឺតជញ្ជក់រុក្ខរស មែកតូចៗ ស្លឹក ផ្កា ផ្លែ។ វាធ្វើឲ្យផ្លែ ខូចរូបរាង ថយគុណភាព ។
- ដង្កូវចោះផ្លែ៖ មេពេញវ័យពងដាក់លើផ្លែ ហើយញាស់ជាកូន វាស៊ីបំផ្លាញខាងក្នុងផ្លែ បង្កើតជារន្ធនៅលើផ្លែ។
- រុយចោះផ្លែ៖ កូនដង្កូវ ចោះចូលក្នុងផ្លែចាស់ៗ ហើយស៊ីបំផ្លាញសាច់។ ផ្លែដែលវាស៊ី ប្រែជាស្វិត ខូចរូបរាង រលួយ និងជ្រុះធ្លាក់។
- ស្កែល៖ កូនតូចវាចាក់បញ្ចូលមាត់ ទៅក្នុងកោសិការរុក្ខជាតិ ឲ្យវាជ្រុះស្លឹក ហើយមែកមានលក្ខណៈស្ងួត
វិធានការណ៍
- ភ្ជួររាស់ដីហាលថ្ងៃ ដើម្បីសម្លាប់ពងដង្កូវ
- យកសរីរាង្គដែលរងការបំផ្លាញ ទៅកប់ឬដុតចោល
- ប្រើអន្ទាក់ស្អិត ឬអន្ទាក់ភ្លើង ដើម្បីចាប់សត្វពេញវ័យ កម្ទេចចោល
- ប្រើវិធានការណ៍ជីវសាស្រ្ត ពពួកបារ៉ាស៊ីត ដូចជាអណ្តើកមាស
- បាញ់ថ្នាំពុលកសិកម្ម Endosulfan ០,០៧% ឬ Malathion 0,១% ប្រើ២ដង ពេលចេញផ្កា និងពេលមានផ្លែជម្ងឺ៖
- ជម្ងឺអង់ត្រាក់ណូស៖ វាបង្កដោយផ្សិត បំផ្លាញផ្នែកគូទនៃផ្លែ ហើយរាលដាលពេញផ្លែ។
- ជម្ងឺអុចស្លឹក៖ វាបង្កដោយផ្សិត ស្នាមអុចលឿងៗ នៅតាមគែមស្លឹក ក្រោយមកប្រែពណ៌ជាពណ៌ត្នោត។ មួយប្រភេទទៀត កើតឡើងនៅទងផ្លែ ហើយរាលដាលដល់ផ្នែកខាងក្រៅផ្លែ វាធ្វើឲ្យផ្លែស្ងួត ហើយប្រេះ
- ជម្ងឺរលួយឌីភ្លូដ្យា៖ វាបង្កដោយផ្សិត ផ្លែមានពណ៌ស្វាយ ប្រែទៅជាមានស្នាមអុចពណ៌ខ្មៅ ឬស្នាមជាំតូចៗ ធ្វើឲ្យផ្លែមានសរសៃឆ្មារៗនៅជុំវិញ។ វារាលដាលដល់ខាងក្នុងផ្លែ ធ្វើឲ្យមានពណ៌ខ្មៅ ហើយធ្វើរលួយ។
- វិធានការណ៍៖ កំទេញចោល សរីរាង្គដែលមានជម្ងឺ ដាក់ជីឲ្យបានសមស្រប បាញ់ Bordeaux Mixture រយៈពេល១០ថ្ងៃ បន្ទាប់ពីចេញក្តិប
ការប្រមូលផល
- ទៀបបារាំង អាចផ្តល់ផលក្នុងរយៈពេល ៣-៥ឆ្នាំ បន្ទាប់ពីដាំ
- ទៀបបារាំង ចេញផ្កាជារៀងរាល់ខែ ហើយខែដែលចេញផ្កាល្អ គឺខែឧសភា មិថុនា ហើយទុំនៅវិច្ឆិកា ខែធ្នូ
- ពេលប្រមូលផល ពិនិត្យមើលផ្លែ មានលក្ខណៈចាស់ល្អ ក្រឡារីកល្អ សម្បុរខៀវស្រាល
- ជៀសវាងការបេះផ្លែទម្លាក់ ធ្វើឲ្យជាំផ្លែ ឬរលួយផ្លែ
- ផលអាចទទួលបាន ប្រហែល៨តោន/ហិចតា ក្នុងមួយរដូវ
