សត្វស្រមោច និងអង្ក្រង ជាទូទៅត្រូវបានស្គាល់ និងឃើញស្ទើរគ្រប់ទីកន្លែង និងមានច្រើនប្រភេទ និងចំនួនកើនឡើងច្រើន ដូច្នេះវាក៏ជាកង្វល់របស់កសិករផងដែរ មិនថាដាំបន្លែរ ផ្លែឈើរ ផ្សេងៗគឺទិន្នផលមួយចំនួន ត្រូវបានបំផ្លាញពីសត្វចង្រៃនេះ។
កសិករ តែងមានវិធីកម្ចាត់រៀងៗខ្លួន ទៅលើប្រភេទដំណាំរបស់ពួកគាត់ ហើយវិធីនិមួយៗទទួលបានប្រសិទ្ធភាពតិចច្រើន តែអ្វីដែលយើងត្រូវគិតគឺការកម្ចាត់វាដោយចំណាយលើថវិការតិច ចំណេញពេលវេលា និងមិនប៉ៈពាល់ដល់មនុស្ស និងរុក្ខជាតិ ។
១. ប្រើទឹកក្តៅដាំពុះ គឺជាវិធីងាយស្រួល ដែលយើងត្រូវអង្កេតមើលសំបុករបស់វា ចាក់ទឹកក្តៅចូលអោយងាប់ តែវិធីនេះជាជំរើសល្អសំរាប់សួនបន្លែរតូចៗតាមផ្ទះ ។
២. ប្រើសាប៊ូលាងចាន និងប្រេងឆា វិធីនេះអ្នកអាសាកល្បងដោយគ្រាន់តែលាយទឹក ១លីត្រ ជាមួយសាប៊ូលាងចាន (១/២)កន្លះ ស្លាបព្រាកាហ្វេ និង ប្រេងឆា (១/២)កន្លះ ស្លាបព្រាកាហ្វេ កូរចូលគ្នា ដាក់ក្នុងដបបាញ់ ឫបរិមាណច្រើនលាយតាមរូបមន្តនេះ ដាក់ធុងបាញ់ថ្នាំ បាញ់លើ កន្លែងមានស្រមោច ជាពិសេសសំបុកឫរុន្ធរបស់វា នឹងទទួលបានផល។ (១)
៣. ប្រើថ្នាំគីមី សម្លាប់ស្រមោច វិធីនេះទទួលបានប្រសិទ្ធភាពខ្ពស់ប៉ុន្តែ ដោយអ្នករកទិញថ្នាំនៅតាមតូបលក់ថ្នាំកសិកម្ម ដោយប្រើតាមវិធីណែនាំរបស់វា តែវិធីនេះទាមទារ ការចំណាចច្រើន បន្តិច។
រាល់វិធីខាងលើ លោកអ្នកសុទ្ធតែអាចកម្ចាត់ស្រមោចចង្រៃ បំផ្លាញកសិផលរបស់លោកអ្នកបាន តែរាល់ការអនុវត្តន៏ត្រូវ ប្រកាន់នូវការប្រុងប្រយ័ត្នជានិច្ច ត្រូវប្រើស្រោមដៃ ម៉ាស់បិតច្រមុះ និងមិនអោយវាចូលភ្នែកឡើយ ។
ប្រសិនបើ បងប្អូនណាស្គាល់ពីវិធីកំចាត់ស្រមោចបន្ថែម ឫវិធីសាស្ត្រផ្សេងៗទៀតហើយមានបំណងចង់ចែករំលែក សូមបញ្ចេញមតិដើម្បីចែករំលែក ។
(១) ឯកសារយោង៖ https://blog.fantasticgardeners.co.uk/ant-killer-tactics/#Natural_methods
